Кабирӣ: Фаронса ба мардуми Тоҷикистон паёми мусбат диҳад

Сафари ҳайати ВКХ Тоҷикистон ба Фаронса ва номаи ПМТ ба мақомоти ин кишвар

Тибқи иттилои доираҳои дипломатии Тоҷикистону Фаронса, қарор аст фардо, 12 декабри соли 2024, гурӯҳи кории Вазорати корҳои хориҷии Тоҷикистон бо мақсади машваратҳои сиёсӣ бо ҳамкасбони фаронсавии худ вориди Порис шавад. Қаблан, барои ҳамоҳангсозии мавзӯъҳои ин сафар, намояндаи Вазорати корҳои хориҷии Фаронса аз Душанбе боздид карда буд.

Мактуби ПМТ ба мақомоти Фаронса

Дар ин замина, Паймони Миллии Тоҷикистон (ПМТ) рӯзи 10 декабр ба унвони Директори шӯъбаи Қафқоз ва Осиёи Марказии ВКХ Фаронса ҷаноби Матие Комб ва дигар масъулини дипломатии ин кишвар мактуби расмӣ ирсол кардааст. Дар мактуб ПМТ аз ҳамкориҳои дуҷонибаи Фаронса бо Тоҷикистон изҳори сипос карда, аз мақомоти фаронсавӣ даъват намудааст, ки дар ҷараёни мулоқот бо намояндагони ҳукумати Тоҷикистон мавзӯи ҳуқуқи инсон ва зиндониёни сиёсиро ба миён гузоранд.

Дар ин мактуб зикр шудааст, ки ПМТ ҷонибдори робитаҳои хуби ду кишвар буда, дар баробари қадрдонӣ аз кумакҳои Фаронса, аз мақомоти он даъват кардааст, ки дар мулоқоти дуҷониба масоили ҳуқуқи башар, саркубиҳои сиёсӣ, маҳдудшавии озодиҳо ва вазъи зиндониёни сиёсӣ баррасӣ шаванд.

Масоили мубрам дар равобити дуҷониба

ПМТ таъкид кардааст, ки дар муносибатҳои Тоҷикистону Фаронса, ки аксаран ба мавзӯъҳои амниятӣ ва мубориза бо терроризм тамаркуз доранд, масъалаҳои ҳуқуқи инсон, фасод, ҳукумати хонаводагӣ ва маҳдудшавии озодиҳо бояд фаромӯш нашаванд. Паймон изҳор доштааст, ки падидаҳои манфӣ, ба монанди терроризм, натиҷаи сиёсатҳои худкомаи режими Раҳмон мебошанд.

Ҳамчунин, дар мактуб омадааст, ки созмонҳои бонуфузи байналмилалӣ ҳукумати Эмомалӣ Раҳмонро ҳамчун яке аз даҳ режимҳои хашинтарин дар ҷаҳон шинохтаанд, ки ба мухолифин ва дигарандешон бераҳмона муносибат мекунад. Дар ин замина, аз Фаронса ҳамчун кишвари демократӣ даъват шудааст, ки дар равобити худ бо ин режим воқеиятҳои мазкурро нодида нагирад.

Хотиррасон мекунем, ки президенти Тоҷикистон Эмомалӣ Раҳмон солҳои 2019 ва 2021 бо сафари расмӣ ба Фаронса рафта буд.

Фардо, 12 декабр, гурӯҳи кории Вазорати корҳои хориҷии Тоҷикистон барои иштирок дар машваратҳои сиёсии дуҷониба бо ҳамкасбони фаронсавии худ вориди Порис мешавад. Тибқи иттилои расонашуда, мулоқот дар доираи тақвияти равобити дуҷонибаи Тоҷикистон ва Фаронса баргузор мегардад. Қаблан, масъули Вазорати корҳои хориҷии Фаронса барои ҳамоҳангсозии ин сафар аз Душанбе боздид карда буд.

Муроҷиати расмии ПМТ ба мақомоти Фаронса

Паймони Миллии Тоҷикистон (ПМТ), эътилофи ҳизбу ҳаракатҳои мухолифи Тоҷикистон, рӯзи 10 декабр бо ирсоли мактуб ба Матие Комб, Директори шӯъбаи Қафқоз ва Осиёи Марказии Вазорати корҳои хориҷии Фаронса, мавқеи худро дар бораи мулоқоти мазкур баён кардааст. Дар ин мактуб ПМТ аз дастгирии доимии Фаронса ба миллати тоҷик изҳори қадрдонӣ намуда, аз мақомоти дипломатии ин кишвар даъват кардааст, ки масъалаҳои ҳуқуқи инсон ва вазъи зиндониёни сиёсӣ дар нишасти мазкур баррасӣ шаванд.

Мавқеи ПМТ дар бораи вазъи ҳуқуқи инсон

Дар мактуб ПМТ таъкид кардааст, ки саркубгариҳо, маҳдудшавии озодиҳо, тақвияти фасод ва ҳукумати хонаводагии Эмомалӣ Раҳмон боиси бадшавии вазъи ҳуқуқи инсон дар Тоҷикистон шудааст. Ҳамзамон, созмонҳои байналмилалӣ режими Раҳмонро яке аз хашинтарин ҳукуматҳо дар ҷаҳон арзёбӣ намудаанд, ки нисбат ба мухолифин ва дигарандешон муносибати бераҳмона мекунад.

ПМТ нигаронии худро аз он баён кардааст, ки масъалаҳои муҳим, ба мисли ҳуқуқи башар, аксаран дар сояи мавзӯъҳои мубориза бо терроризм ва таъмини амният қарор мегиранд. Дар мактуб омадааст, ки «падидаҳои манфӣ, аз қабили терроризм, натиҷаи сиёсати худкомаи режими Раҳмон мебошад.»

Кабирӣ: Фаронса ба мардуми Тоҷикистон паёми мусбат диҳад

ПМТ аз мақомоти Фаронса даъват кардааст, ки дар муносибатҳои худ бо Тоҷикистон ин воқеиятҳоро нодида нагиранд ва аз фурсати мулоқоти дуҷониба барои расонидани таъсир ба сиёсати режими Раҳмон истифода намоянд. Дар мактуб гуфта мешавад, ки кишварҳои демократӣ бояд шартҳои мушаххасеро дар заминаи ҳуқуқи инсон ба ҳамкориҳои худ бо режимҳои диктотурӣ ворид кунанд-

Ҳамзамон Муҳиддин Кабирӣ, роҳбари ПМТ низ, зимни як мактуби алоҳидааш ба Матие Комб (Matthiue Combe), директори шуъбаи Қафқоз ва Осиёи Марказии ВКХ Фаронса таъкид кардааст: «Мо умедворем, ки Фаронса аз ин имконият барои фиристодани паёмҳои мусбат ба миллати тоҷик, хусусан, ба зиндониёни сиёсӣ истифода хоҳад бурд.

Хотиррасон мекунем, ки президенти Тоҷикистон Эмомалӣ Раҳмон солҳои 2019 ва 2021 бо сафари расмӣ ба Фаронса рафта буд, ки он вақт низ мавзӯи ҳуқуқи инсон дар Тоҷикистон мавриди интиқод қарор гирифта буд.