Дар чанд минтақаи Тоҷикистон барои 24–25 сентябр хатари сел пешгӯӣ шудааст
Агентии обуҳавошиносии Тоҷикистон барои 24 ва 25 сентябр дар ноҳияҳои алоҳидаи кӯҳӣ ва доманакӯҳии тобеи ҷумҳурӣ, вилояти Суғд ва ғарби Вилояти Мухтори Кӯҳистони Бадахшон хатари селҳои маҳаллиро пешгӯӣ кардааст. Ин ҳушдор маънои рух додани сел дар ҳамаи ин ноҳияҳоро надорад.
Тибқи иттилои нашршуда соати 11:35-и 23 сентябр, дар баъзе ноҳияҳои Суғд ва ноҳияҳои тобеи ҷумҳурӣ борони кӯтоҳмуддату эҳтимоли раъду барқ пешбинӣ мешавад. Дар баъзе ноҳияҳои ғарбии Бадахшон борон ва дар шарқи он борону барф дар назар аст.