Як сокини Фархор дар сарҳад аз тири сарҳадбонон кушта шуд

Панҷ рӯз пеш, шаби 12-уми июл як мард аз ноҳияи Фархор, ки дар ҷануби Тоҷикистон ва дар ҳамсоягии марзи Афғонистон ҷойгир аст, пас аз захмӣ шудан аз тири сарҳадбонон дар бемористон ҷон бохтааст. Ба гуфтаи манобеи наздик ба мақомоти марзбонӣ, марҳум Муҳаммад Асрорзода, сокини 36-солаи деҳаи Дарқад, талош доштааст, ки симхори марзиро ғайриқонунӣ убур намояд.

Тавре Радиои Озодӣ бо такя ба манбаъаш дар Раёсати нерӯҳои марзбонии вилояти Хатлон хабар медиҳад, сарбозони сарҳадӣ ҳангоми дидани ҳаракати Асрорзода ба ӯ амри бозист додаанд, вале ӯ итоат накардааст. Дар натиҷа, нерӯҳои марзбонӣ ба сӯи ӯ тир кушоданд. Ӯ баъди захмӣ шудан боздошт ва ба бемористон интиқол дода мешавад, аммо субҳи рӯзи баъдӣ дар беморхона фавтидааст.

Манобеи расмӣ мегӯянд, ҳоло тафтишоти ҳодиса зери назари мақомоти додситонӣ идома дорад. То ин замон маълум нест, ки оё дар вақти ҳодиса Асрорзода бо худ маводи ғайриқонунӣ доштааст ё на.

Як сокини маҳаллӣ, ки марҳумро мешинохт, гуфтааст, танҳо рӯзи ҷаноза дарёфтанд, ки ӯ дар марз кушта шудааст. Ба гуфтаи ӯ, Асрорзода шахси ором ба назар мерасид ва сабаби ҳузураш дар маҳалли марзӣ барои бисёриҳо норӯшан боқӣ мондааст.

Ин нахустин ҳодисаи марбут ба тирпарронӣ дар марзи Тоҷикистону Афғонистон нест. Чунин ҳодисаҳои дар Марзи Тоҷикистон бо Афғонистон зуд-зуд рӯй медиҳанд.

Мақомот мегӯянд, барои тақвияти назорати марз, дар чанд минтақаи марзии ҷанубӣ симхор ва дидбонгоҳҳои нав бунёд шудаанд.

Тафтишоти расмӣ доир ба марги Муҳаммад Асрорзода идома дорад.