Чаҳор узви нав ба ҳайати Раёсати Олии ҲНИТ пазируфта шуданд

Дирӯз 13 июли соли 2025, дар ҷаласаи Раёсати Олии Ҳизби Наҳзати Исломии Тоҷикистон (ҲНИТ) чаҳор узви нав ба ҳайати Раёсати Олии ҳизб интихоб гардиданд.

Тавре сухангӯи ҲНИТ Бобоҷон Қаюмзод хабар дод, номзадии Саидмаҳмуд Саидов, Абдуқодир Шехов, Шавкатҷон Шарипов (Шавкати Муҳаммад) ва Фарҳод Одинаев аз ҷониби раиси ҳизб пешниҳод шуда, пас аз баррасӣ ва овоздиҳии аъзои Раёсати Олӣ пазируфта шуд.

Ба гуфтаи намояндагони ҲНИТ, ҷалби аъзои нав ба ҳайати Раёсати Олӣ як қадами муҳими дигар дар ҷараёни ислоҳот ва таҳкими фаъолияти дохилии ҳизб арзёбӣ мегардад. Ин қарор бо ҷонибдории аксарияти аъзои Раёсат қабул шудааст.

Раёсати Олии ҲНИТ мақоми олии роҳбарикунандаи ҳизб маҳсуб ёфта, дар ташаккули сиёсати дохилиҳизбӣ ва роҳандозии барномаҳои стратегии ҳизб нақши калидӣ мебозад.